Конспект мероприятия посвященный празднику 9мая

Егъэш1эрэ гукъэч1ыжь.

 

Ведущая. Гъэмэфэ тыгъэр чылэм пэгуш1о,

Тыгъэжьы шъабэр мак1эу къыщепщэ.

Лъэпкъы быракъыр егъэбыбатэ,

Тарихъыр уахътэм щылъегъэк1уатэ.

Чылэм ищы1эк1э мыр икъежьап1,

Гъогоу къык1угъэм тыхэплъыхьажьы,

 Щысэ тфэхъущтытхэр къыхэтэхыжьы.

(Дети на сцене играют, вдруг начинается война)

 

Ведущая. Тиошъо къаргъо къагъэуш1унк1ы,

Тирэхьатыгъо мэушъорэк1ы,

Фашисты набгъом ипчъэ къы1уехы

Дунэе заор тэ къытфэущы.

(тревога…..)

 

Мама.  (Гуа1эу к1элэ быным къахахьэ)

 А сик1элэ бын, а сиц1ык1ужъыех, дунаер къэбырсыры, фашистмэ замыш1эжьэу ашъхьэ къа1эты. Зэрэдунаеу гъэры ыш1ынэу, унашъо мыгъо Гитлеры еш1ы.

Девочка. Къылъагъак1офэ емыжэу,

Хэгъэгум тятэ фыдэк1.

Блэнагъэр ащ  илъэужэу,

Аджалэу пыим пэгъок1.

Мальчик. Амал щымы1эм тырифыл1агъ,

Хэгъэгу зэошхом щыщы  тыхъугъ.

Девочка. Ащ ищы1ак1и теуцол1агъ, ау зыгорэм зыщыдгъэбылъына?

Мама.  А сик1элэц1ык1ух, зэк1эри зыгорэм мачъэх, ау тэ тыкъэнэщт моджэ, заори зэгорэм аухыщт, уяти къэк1ожьын.

Шъо зыми шъумык1у, сэ  шъофым сык1ощт т1эк1у тымылажьэмэ хъущтэп.

(Мама уходит)

Мальчик. Мэлак1э сэл1э.

Девочка. А сышнахьык1, сурэт тэгъэш1, т1эк1уи тщыгъупшэн мэлак1эр.

Мальчик. Сурэт сэш1ыми мэлак1э сэл1э.

Девочка. Ма, псы гъэжъогъэ т1эк1у ешъу мэлак1эр пщигъэгъупшэн.

(Входит мама)

Мальчик. А си мам, укъэк1ожьыгъа?

Мама. ( пшъыгъэу мат1ысы) Сыд шъуикъэбар сик1алэх?

Мальчик. Мам зи пшхын уи1эба? Умыш1ахэу умыш1ахэу гъэбылъыгъэу?

(Янэ 1эплъэк1ыр къызэк1уец1ехы, картошка гъэжъуагъэ къареты)

Мама. Ма сик1алэх, шъушхы. Тхьак1умч1ыхьэм  къышъуфысигъахьыгъ.

( шъэожъыер тебэнагъэу шхыным ешхы)

Девочка. Хэты итхьак1умк1ыхь, сэ ины сыхъугъ, зэк1эри къызгурэ1о. О мы т1эк1ур шъофым узщэлажьэм къыуатыгъэр ары. Ори къыддэшх, амэ тышхэщтэп.

Мама. Сэ сышхагъ шъо шъушх.

Девочка. ( къегощы)

Мама. А сик1элэц1ык1ух джы сэ шъофым сык1ощт, т1эк1у 1оф къэсш1эщт, зыми шъумык1у.

(Мама уходит)

Ведущая. Зэошхом илъэхъан тимэкъу- мэщыш1эхэр зышъхьамысыжьхэу мэлажьэх. «Фронтым пай» - а1озэ дзэм ищык1агъэр рагъэгъотыгъ.

(Мама  хэк1уадэ)

 

Гу1агъоу заом имаш1о

Къырадзы тэ тихэгъэгу

Тыч1элъэу, тян, о убгъашъо

Къыдао заор ти1эгу.

Къехьэ  к1элэц1ык1умэ ягъунэгъу шъузыр.

 

Тетя. А сик1элэ ц1ык1ух сыд шъуикъэбар. Моу шъуеплъ къышъуфэсхьыгъэм. ( Хьалыжъые къареты)

Девочка. Сыда къэхъугъэр?

Мальчик. Сыдэу 1эш1ух мыхэр! ( Машхэ мэлак1э л1агъэу)

Тетя. Непэ ( нэпсыхэр къытелъадэх) губгъом топыщэ къырадзи хэк1одагъэр бэ. Уяни  ахэмэ ахэтыгъ.

Девочка. Сышнахьык1э емыгъаш1, емы1у. ( Мэгъы)

Тетя. Нек1ох садэжьы сэ шъуизакъоу шъуисына?

Девочка. Хьау, тянэ  тызэк1ыгъунэу ренэу ы1огъагъ, и1уагъэ дгъэцэк1эщт. Ори к1ожьы, чэщ мэхъу.

Мальчик. А сыдэу 1эш1у мы хьалыжъыер. Сыда къыохъул1агъэр, мамэ мары къэк1ожьыщт.

Девочка. ( Зы1эк1еубытэ ышнахьык1э ц1ык1у) Тянэ къэк1ожьыщтэп, ар хэк1одагъ.

Песня…..

Тетя. Къехьэ яакъэбар к1алэмэ зэригъэш1энэу.

Сынасыпыш1оу зыслъытэжьын,

Блэк1ыгъэ уахътэм  ш1ук1э шъуезгъэплъэу.

Шъусымгъэгъуащэу джырэ лъэхъаным,

Гъогу лъэгъо дахэр хэшъозгъэщын.

 

Объявляется о победе.

Тетя. Зэ тыжъугъэда1у, шыкур яа1элахь заор аухыгъ, шъуяти къэк1ожьын.

Ведущая.  Нэмык1 ц1ыф лъэпкъхэм анахь мыдэеу,

Адыгэ лъэпкъым  ылъэк1 къэмынэу,

Ипыи пчъагъэмэ ябэнышъугъ.

Ич1ыгу гупсэри къыухъумагъ.

Тетя. Титаурыхъмэ къытагъэш1эжьы,

Тигъыбзэ нэпсымэ къызэлъапчъыжьы,

Хьэзабы гъогоу лъэпкъым къык1угъэр

Щысэ техып1эу тэ къытхэнэжьы.

Мама. Сырэгушъо адыгэ лъэркъым

Зэо пчъагъэмэ къелыжьышъугъэм

Фитыныгъэр къыгъэшъыпкъэжьэу

Къыдэзыхыгъэр псэумыблэжьэу.

Даяна. Заом зэхэтш1агъэ ихьазаб

Л1ишъэ сэ сичылэ дигъэк1ыгъ

Псаоу къэк1ожьыгъи къахэк1ыгъ.

Самира. Заом зэхэтш1агъэ ихьэзаб

Арышъ, мэфэ ош1ур тэ тилъап1,

Арышъ, мамырныгъэм тыфэбанэ.

Сэтэнай. Къиныр ащэчи, къиныр зэпачи.

Ц1ыфхэр фэхыгъэх, пыим так1уагъэх.

Гъэш1э 1отэжьэу, псэемыблэжьэу

Яч1ыгу лъап1и къаухъумагъ.

Шъучъыех  пытэу, тикъошы лъап1эх!

Хэгъэгоу тянэм иухъумак1ох!

Заом имаш1о шъущыфэхыгъ,

Жъугъэш1агъэр мак1эшъ, тыгу ек1угъ!